Президент 2025 жылғы 16 маусымдағы "сот актілерін, өзге де уәкілетті органдар мен лауазымды адамдардың актілерін мәжбүрлеп орындауды жүзеге асыру кезінде ақпарат алмасу жөніндегі ынтымақтастық туралы келісімге қол қою туралы" жарлық шығарды, деп хабарлайды Zakon.kz.
Мәтінде былай делінген:
- Сот актілерін, өзге де уәкілетті органдар мен лауазымды адамдардың актілерін мәжбүрлеп орындауды жүзеге асыру кезінде ақпарат алмасу жөніндегі ынтымақтастық туралы келісімнің жобасы мақұлдансын.
- Қазақстан Республикасының атынан сот актілерін, өзге де уәкілетті органдар мен лауазымды адамдардың актілерін мәжбүрлеп орындауды жүзеге асыру кезінде ақпарат алмасу жөніндегі ынтымақтастық туралы келісімге қол қойылсын.
Келісім атқарушы құжаттарды мәжбүрлеп орындау рәсімдерін жүзеге асыру кезінде ақпарат алмасу бойынша тараптарды мәжбүрлеп орындау органдары ынтымақтастығының негізгі бағыттарын айқындайды.
Келісім шеңберінде ақпарат алмасудың мақсаттары атқарушылық құжаттардың мәжбүрлеп орындалуын қамтамасыз ету, сондай-ақ оларды орындау кезінде құқықтық көмек тетіктерін пайдаланудың тиімділігін арттыру болып табылады.
Келісім шеңберінде ақпарат алмасудың мақсаттары атқарушылық құжаттардың мәжбүрлеп орындалуын қамтамасыз ету, сондай-ақ оларды орындау кезінде құқықтық көмек тетіктерін пайдаланудың тиімділігін арттыру болып табылады.
Құжатқа сәйкес, келісім тараптарын мәжбүрлеп орындау органдары мәжбүрлеп орындау рәсімдерін жүзеге асыру кезінде алмасады:
- ақпаратпен:
- атқарушылық іс жүргізу туралы;
- борышкердің мүліктік жағдайы туралы;
- борышкердің жұмыс орны, сондай-ақ ресми көздері және оның кіріс мөлшері туралы;
- борышкердің немесе оның мүлкінің орналасқан жері туралы;
- атқарушылық іс жүргізу тараптарынан, басқа тұлғалардан және мемлекеттік органдардан алынған мәліметтермен, анықтамалармен және құжаттармен.
Бұдан басқа, мәжбүрлеп орындау органдары атқарушылық құжаттардың мәжбүрлеп орындалуын қамтамасыз ету үшін қажетті басқа да ақпаратпен алмасуы мүмкін.
Атқарушылық іс жүргізу туралы ақпарат мәліметтерді қамтиды:
- сұрау салынатын Тараптың аумағында атқарушылық іс жүргізу бойынша борышкер болып табылатын тұлғаға қатысты берілген сұрау салынатын Тараптың мәжбүрлеп орындау органында орындаудағы (болған) атқарушылық құжат туралы;
- атқарушылық іс жүргізудің қозғалған күні және (немесе) атқарушылық құжаттың орындалуға қабылданған күні, атқарушылық құжаттың атауы мен нөмірі, атқарушылық құжат талабының мазмұны, оның орындалу сатысы туралы;
- өндіріп алынған берешектің, тыйым салынған мүліктің, сатуға ұсынылған мүліктің және сұрау салуда көрсетілген атқарушылық құжаттар бойынша қосарланған орындауды болдырмау үшін қажетті атқарушылық құжаттардың орындалу нәтижелерінің сомасы туралы.
Сұрау салушы Тараптың сұрау салуы бойынша Сұрау салынатын Тараптың мәжбүрлеп орындау органы атқарушылық іс жүргізу тараптарынан, сұрау салынатын Тарап мемлекетінің аумағындағы өзге де жеке және заңды тұлғалардан, сондай-ақ Сұрау салынатын Тараптың мемлекеттік органдары мен лауазымды адамдарынан мәліметтерді, анықтамаларды, құжаттарды не белгіленген тәртіппен куәландырылған олардың көшірмелерін алуды қамтамасыз етеді.
Атқарушылық іс жүргізу тараптарынан түсініктеме алу туралы сұрау салуды орындау сұрау салуда қойылған мәселелер негізге алына отырып жүзеге асырылады.
Мемлекеттік тізілімдерден, өзге де тізілімдерден және дерекқорлардан үзінді көшірмелер, атқарушылық іс жүргізу тараптарының мүліктік және мүліктік емес құқықтарын растайтын өзге де құжаттар бір-біріне аудармасыз және өтеусіз негізде жіберіледі.
Тараптар сұрау салушы Тараптың сұрау салуы бойынша Сұрау салынатын Тараптың аумағындағы атқарушылық іс жүргізу бойынша борышкер болып табылатын тұлғаның ақшалай қаражаты мен мүлкі туралы мынадай ақпаратты ұсынады:
- сұрау салынатын Тараптың аумағындағы шоттарда, салымдарда немесе банктерде және өзге де кредиттік ұйымдарда сақтауда борышкердің ақшалай қаражатының болуы туралы;
Қазақстан Республикасының Ескертпесі:
- Қазақстан Республикасы осы Келісімнің 6-бабы а) тармақшасының ережелерін оның заңнамасына қайшы келмейтін бөлігінде қолдану құқығын өзіне қалдыратынын мәлімдейді.
- жылжымайтын мүлік, оның ішінде борышкерге меншік құқығында немесе өзге де заттық құқықтарда тиесілі жер учаскелері туралы;
- көлік құралдары туралы;
- сұрау салынатын Тараптың аумағында тіркелген коммерциялық ұйымдардың жарғылық (жиналмалы) капиталындағы үлестері (пайлары, салымдары) туралы;
- сұрау салынатын Тараптың заңнамасына сәйкес мәжбүрлеп орындау органына ақпарат қолжетімді мүліктің өзге де түрлері туралы.
Тараптар сұрау салуды орындау кезінде осы бапта көзделмеген өзге мүлік туралы ақпарат бере алады.
Сұрау салынатын Тараптың мәжбүрлеп орындау органы борышкердің мүлкі туралы ақпаратты және Келісімде көзделген өзге де ақпаратты оған ашу үшін қолжетімді көлемде ұсынады.
Тараптар сұрау салушы Тараптың сұрау салуы бойынша мынадай ақпаратты белгілейді және ұсынады:
- борышкердің, оның ішінде дара кәсіпкер ретіндегі жұмыс (қызмет) орны туралы;
- Тараптардың аумақтарындағы ресми көздерден алынатын кірістердің ресми көздері мен мөлшері туралы.
Борышкердің ресми көздері мен табыстарының мөлшері туралы ақпарат сұрау салуда көрсетілген кезеңде, бірақ 3 жылдан аспайтын мерзімде белгіленеді және ұсынылады.
Толық мәтінмен сілтеме арқылы танысу аласыз.
Жарлық 16 маусымнан бастап қолданысқа енгізілді.