Қазақстанға гүл импорты бір жарым есе өсті
Бұл туралы Caravan.kz медиа порталы Sputnik.kz-ке сілтеме жасап хабарлайды.
Ұлттық статистика бюросының мәліметі бойынша өткен жылы отандық гүл өсіруші фермерлер 40,3 миллион гүл жинаған. Бұл 2023 жылмен салыстырғанда 3,7 есе көп. Былтыр қаңтар–желтоқсан айларында жылыжайда гүл өсіретін фермерлер 33,4 миллион дана гүл жинады, бұл бір жыл бұрынғыдан 5,2 есе көп.
BNS мәліметі бойынша өткен жылдың қаңтар–желтоқсан айларында елге ең көп таралған алты түр — раушан, қалампыр, орхидея, хризантема, лалагүл және гладиолидің 202,2 миллион данасы әкелінді.
2023 жылмен салыстырғанда өсім — 47,2%. Әсіресе шетелден раушан гүл көп әкелінеді. Былтыр 61 млн АҚШ долларына 159,2 млн дана раушан гүлі әкелінді. Соңғы уақытта гүлді құрлық асып тасымай, қытайдан арқалайтындар көбейген. Былтыр Қытайдан әкелінетін гүл 1%-тен 8%-ке дейін өсті. Қытайдың бір тонна гүлінің болжамды құны негізгі жеткізушілерге қарағанда айтарлықтай төмен. Ал биыл шетелден әкелінген гүл саны 1,5 есе артты.