Ғылым және жоғары білім министрінің 2025 жылғы 26 наурыздағы бұйрығымен Қазақстан Республикасы Ұлттық ғылым академиясының академиктерін сайлау қағидалары мен өлшемшарттарына өзгерістер енгізілді, деп хабарлайды Zakon.kz.
Сонымен, "Қазақстан Республикасы Ұлттық ғылым академиясы" республикалық қоғамдық бірлестігінің толық мүшелері (академиктері) Академия Президиумының ұсынуымен Академияның жалпы жиналысының шешімімен Академияның құрметті академигі болып сайланады және "Академияның құрметті академигі" мәртебесіне ие болады деп көрсетілген.
Бұрын бұл тармақта зейнеткерлік жасқа жеткенде құрметті академик атануға болатыны айтылған.
Бұйрық 2025 жылдың 31 наурызынан бастап күшіне енеді.
Бұған дейін Қазақстанда толық емес отбасы балалары үшін білім беру квотасының көлемі қайта қаралатынын хабарлаған едік.