Қазақстанның жетекші микроқаржы ұйымы «KMF (ҚМФ)» МҚҰ» АҚ екінші деңгейдегі банкке айналуға рұқсат алғаны туралы хабарлайды. Рұқсатты Қазақстан Республикасының Қаржы нарығын реттеу және дамыту агенттігі (ҚНРДА) берді.
Бұл қадам қаржылық қызметтер спектрін кеңейтуге және олардың клиенттерге қолжетімділігін жақсартуға бағытталған KMF компаниясы дамуының жаңа кезеңін айқындайды.
«Екінші деңгейлі банкке айналуға рұқсат алу – біздің команданың қажырлы еңбегінің және реттеушімен сындарлы өзара әрекеттің нәтижесі. Бұл қадам еліміздің қаржы нарығындағы позициямызды нығайтып, клиенттерімізге одан да сапалы және инновациялық шешімдерді ұсынуға мүмкіндік беретініне сенімдіміз. Дегенмен миссиямыз өзгеріссіз қалады: шағын және орта бизнесті қолдау, оның ішінде ауыл тұрғындарына ерекше назар аудару, сондай-ақ олардың дамуына көмектесетін қолжетімді қаржылық қызметтерді ұсыну», деп атап өтті «KMF» МҚҰ» АҚ басқарма төрағасы Шалқар Аманқосұлы Жүсіпов.
Трансформациялау үдерісі 2023 жылдың ақпанында компанияны акционерлік қоғамға айналдырудан басталды, ол осы стратегиялық мақсатқа жету үшін жұмысын жалғастырды.
Банк лицензиясын алу үшін заңнаманың барлық талабына сай болу керек. Ол үшін арнайы жабдықтар сатып алынып, бағдарламалық жасақтама ендіру және бизнес-үдерістерді жаңғырту талап етіледі.
KMF-тің банк мәртебесіне ауысуы ұсынылатын өнімдердің спектрін ұлғайтып қана қоймай, клиенттер үшін жаңа мүмкіндіктер ашады:
- Қаржылық инклюзияны дамыту. Қаржылық қызметтерге қол жеткізу шектеулі болып табылатын шалғай өңірлердегі байланысты күшейту.
- Бизнесті қолдауды нығайту. Компания шағын және орта бизнес, сондай-ақ жеке клиенттер арасында сұранысқа ие депозиттерді, карталарды, несие өнімдерін және басқа да қызметтерді ұсынуды жоспарлап
отыр.
- Инновацияларды енгізу. Қызметтерді жекелендіру үшін жасанды интеллект пен машиналық оқытуды қосу жоспарда бар.
«Көп уақытты және команданың қажырлы еңбегін талап ететін аталған үдеріс біздің алдымыздан жаңа көкжиектерді ашуға мүмкіндік береді. Біз екінші деңгейдегі банктерге қойылатын жоғары стандарттарға сай болу үшін тәуекелдерді басқарумен, ішкі бақылаумен және банк өнімдерін әзірлеумен айналысатын командаларды күшейттік», деп қосты Шалқар Аманқосұлы Жүсіпов.
Бұл қадам KMF-тің клиенттерге қызмет көрсетуін жалғастыра отырып, қаржылық тұрақтылықты нығайтуға, ел экономикасының дамуына үлес қосуға деген ұмтылысын растайды.
KMF баспасөз қызметі
ҚНРДА-ның 18.07.2024 жылғы
№02.21.0003.M лицензиясы