Қырғызстанда лаңкестік ұйымның 30 қолдаушысы ұсталды. Оның қызметін халықаралық террористік ұйымның шетелдік орталықтары үйлестірді, деп хабарлайды Zakon.kz Ұлттық қауіпсіздік мемлекеттік комитетіне (ҰҚК) сілтеме жасап.
Тергеушілердің айтуынша, күдіктілер радикалды идеологияны насихаттаған "жиындар" өткізген. Террорлық әрекеттерді қаржыландыру үшін де сол жерде ақша жиналған.
"Бұл радикалды топтың негізгі мақсаты еліміздің конституциялық құрылысына қарсы "жиһад" жасау, сондай-ақ шенеуніктерге, арнайы қызмет пен құқық қорғау органдарының қызметкерлеріне қарсы лаңкестік әрекеттерді жоспарлау болды", – деп нақтылады Ұлттық қауіпсіздік мемлекеттік комитеті 2025 жылғы 5 наурызда.
Сонымен қатар, топ мүшелерінің бірінен қолдан жарылғыш құрылғыны жасау туралы бейне нұсқаулық тәркіленді.
26 ақпанда Қырғызстанда бірнеше жыл бұрын қос кісі өлтірді деген күдіктінің қазақстандық ұсталғаны хабарланған болатын.