0:00:00
0:00:00Жаңалықтарды Telegram арнамыздан оқыңыз!
Жамбыл облысындағы жер сілкінісінен кейін, аймаққа Алматыдағы сейсмологиялық институттан арнайы комиссия жіберіледі. Бұл туралы облыстық ТЖД хабарлады.
Қазір 4 балдық тербеліс сезілген Тұрар Рысқұлов ауданындамын. Мен тұрған Қарақыстақ ауылындағы ауылдық мына Мәдениет үйінің концерт залы бүлінген. Төбедегі жабындылардың қаптамалары түсіп қалған. Сондай-ақ осы ауылдағы Күншуақ балабақшасының қабырғалары жарылып, бірнеше бөлмеге сызат түскен. Мектепке дейінгі мекемеде түнгі уақытта қаруылдан басқа ешкім болмаған. Қазір аудан бойынша зерделеу жұмыстары жүріп жатыр. Оған 65 адам, 40 бірлік техника жұмылдырылды. Ал жалпы аймақ бойынша 5 балдық жер сілкінісі Меркі ауданында тіркелді. Онда аудандық орталық аурухана ғимараты мен бірнеше ауылдық амбулаторияның қабырғасына зақым келген. Сондай-ақ, Сарымолдаев ауылда мүгедек балаларды оңалту және бейімдеу орталығының қабырғалары жарылған. Қазір жер сілкінісіне байланысты шығын көлемі есептеліп жатыр.
Данияр Әлімқұл