Энергетика министрлігіне жаңа басшы тағайындалды

Жобалар

Мемлекет басшысының Жарлығымен Ерлан Құдайбергенұлы Ақкенженов Қазақстан Республикасының Энергетика министрі лауазымына тағайындалды, деп хабарлайды Egemen.kz.

Ерлан Ақкенженов 1979 жылы Алматы қаласында дүниеге келген.

«Әділет» жоғары құқық мектебін және «Астана» университетін бітірген.

Еңбек жолын 2002 жылы жеке меншік ұйымда бас маман болып бастаған.

2004-2012 жылдары мұнай саласындағы кәсіпорындарда басшылық лауазымдарда болды.

2012-2016 жылдары KPMG International (Rompetrol) компаниясында бас менеджер, трейдинг жөніндегі аға басқарушы директор болып жұмыс істеген.

2016 жылдан 2022 жылға дейін коммерциялық құрылымдарда қызмет атқарған.

2022 жылғы шілде айынан бастап 2023 жылдың 21 маусымына дейін «ҚазМұнайГаз» ҰК» АҚ мұнай өнімдері маркетингі басқармасының бастығы болып қызмет еткен.

2023 жылдың маусымынан бастап ҚР Үкіметінің қаулысымен Ерлан Құдайбергенұлы Ақкенженов ҚР энергетика вице-министрі қызметін атқарған.