Ұлыбритания Газа секторына әуе арқылы көмек жіберуді жоспарлап отыр. Бұл туралы Біріккен Корольдіктің премьер-министрі Кир Стармер мәлімдеді.
Оның айтуына қарағанда, қазір азық-түлікті жіберу үшін ауқымды дайындық жүріп жатыр. Бұл операцияны орындауға Иордания мен Біріккен Араб Әмірліктерінің билігі жәрдемдеспек. Осыған дейін Израиль билігі басқа елдерге азық-түлікті парашютпен тастауға рұқсат берген болатын. Өйткені жүк көліктерімен жеткізілген заттардың бәрі талан-таражға түсіп, қолды болған.