Күрделі метеорологиялық жағдайда теміржол көлігі ең қауіпсіз әрі сенімді қатынас түрінің бірі болып отыр.
"Ақтөбе – Астрахань" тас жолының жабылуына байланысты 100-ге жуық жолаушы "Қазақстан темір жолының" пойызымен жеткізілді, деп жазады inbusiness.kz сайты.
Қолайсыз ауа райы жағдайлары мен Ақтөбе – Астрахань тас жолының уақытша жабылуына байланысты Ұлттық тасымалдаушы жолаушыларды теміржол көлігімен тасымалдау және отырғызу жұмыстарын жедел ұйымдастырды.
2025 жылғы 15 желтоқсанда №691 "Атырау – Ақтөбе" пойызы арқылы жолаушылардың қозғалысы қамтамасыз етілді:
- Сағыз станциясынан Ақтөбеге дейін – 20 жолаушы;
- Қарауылкелді станциясынан Ақтөбеге дейін – 30 жолаушы;
- Қандыағаш станциясынан Ақтөбеге дейін – 46 жолаушы.
Ұлттық тасымалдаушы жолаушылардың қауіпсіздігі мен жайлылығын қамтамасыз ету бойынша қажетті шараларды жалғастырып, азаматтарды сапарларын жоспарлау кезінде ауа райы жағдайын ескеруге шақырады.