Әлем кубогы аясында қысқы Олимпиада жолдамалары сарапқа салынуда.
Қазақстандық конькимен жүгіруші Надежда Морозова Норвегияның Хамар қаласында өтіп жатқан әлем Кубогының төртінші кезеңінде күміс жүлдеге ие болды. Ол 1500 метр қашықтықты 1 минут 54,98 секундта бағындырып, екінші орын алды.
Бұл жарыста жапониялық Михо Такаги 1:54.95 нәтижесімен жеңіске жетсе, норвегиялық Рагне Виклунд 1:55.18 уақыт көрсетіп, үшінші орынға тұрақтады. Қазақстан құрамасының тағы бір өкілі Елизавета Голубева 1:56.84 нәтижемен сегізінші орыннан көрінді.
Айта кетейік, 2026 жылғы қысқы Олимпиада ойындарына жолдамалар әлем Кубогының осы төрт кезеңінің жалпы қорытындысы бойынша үлестіріледі.