Бұл инватакси қызметтерін жеткізушілердің сапасын арттыруға мүмкіндік береді.
Сенат "Қазақстан Республикасының кейбір заңнамалық актілеріне тұрғын үй құрылысына үлестік қатысу, автомобиль жолдары және мүгедектігі бар адамдарды тасымалдау жөніндегі қызметтерді көрсету мәселелері бойынша өзгерістер мен толықтырулар енгізу туралы" заңды екінші оқылымда қабылдады, деп хабарлайды inbusiness.kz сайты.
Құжатты сенатор Сүйіндік Алдашев таныстырды.
"Жалпыға ортақ пайдаланылатын автомобиль жолдарының сапасын арттыру бағытында бірқатар өзгерістер көзделеді. Атап айтқанда, мердігерлер мен жобалаушыларды қоса алғанда, саланың барлық қатысушылары үшін ашықтық пен қолжетімділікті қамтамасыз ету үшін жол-құрылыс материалдары мен технологиялары бойынша бірыңғай ақпараттық жүйені енгізу, автомобиль жолдары жөніндегі уәкілетті органның автожол саласы қызметкерлерінің біліктілігін міндетті түрде арттыру жөніндегі қағидаларды бекітуі, жол жобаларына қатысатын мердігерлердің біліктілігін бақылауды күшейту мақсатында аккредиттеу жалпы құрылыс жұмыстары мен жол құрылысына бөлінеді", – деді депутат.
Бұдан басқа техникалық және авторлық қадағалауды жүзеге асыратын адамдар "Сыбайлас жемқорлыққа қарсы іс-қимыл туралы" заңның субъектілеріне теңестіріледі.
Мүгедектігі бар адамдарды инватаксиде тасымалдау бөлігінде келесі өзгерістер енгізіледі:
- өңірлерде мүгедектігі бар адамдардың көп санын қамтуға мүмкіндік беретін әлеуметтік қызметтер порталы арқылы инватакси қызметтерін көрсету мүмкіндігін кеңейту (қазір инватакси қызметтерін мемлекеттік сатып алу арқылы жеткізушілер көрсетеді);
- комиссияның қорытындысы негізінде тұрғылықты жері бойынша инватакси жеткізушілері болмаған кезде мемлекеттік сатып алу арқылы инватакси қызметтерін көрсету бойынша балама енгізу. Норма әлеуметтік қызметтер порталында инватакси жеткізушілері болмаған кезде көзделген;
- жергілікті әкімдіктер инватакси қызметтеріне мониторингті жүргізу, бұл инватакси қызметтерін жеткізушілердің сапасын арттыруға мүмкіндік береді.