Ұлыбританияда мәйіттерді көмудің немесе кремация жасаудың орнына жаңа тәсіл — су арқылы жою әдісі заңдастырылуы мүмкін , деп хабарлайды El.kz интернет порталы.
Бұл туралы The Telegraph басылымын жазды.
Британ мамандары адамның денесін сілтілі гидролиз арқылы ерітіп, сүйек пен тістен басқа бөліктерін сұйықтыққа айналдырып, оны кәріз жүйесіне жіберуге рұқсат беру мәселесін көтеріп отыр. Бұл процесс 2 сағаттан 18 сағатқа дейін созылады. Ал сүйек пен тіс қалдықтары ұнтақталып, отбасы мүшелеріне беріледі.
Мұндай рәсім "сулы жерлеу" немесе бейресми түрде "сумен шаю" және "сүйекті жуу және тастау" деп аталады. Қазіргі таңда бұл әдіс Австралия мен Канаданың кейбір аймақтарында рұқсат етілген.
Оқи отырыңыздар:
- Шаш кептіргіш жаңа туған сәбиді өлтірді
- Ақтөбеде дәрігер жоғалып кетті
Миддлсекс университетінің ағынды сулар бойынша маманы, доктор Лиан Ланди бұл тәсілдің су сапасына әсері жоқ екенін айтты:
«Зерттеуіміз кәрізге ағызу жағынан ешқандай экологиялық қауіп анықтамады», – деді ол.