Жазғы маусым уақыты – 30 наурыз бен 26 қазан аралығы .
Қазақстандық лоукостер FlyArystan Атыраудан Мысырдың танымал курорты – Шарм-эль-Шейхке чартерлік рейстердің жиілігін арттырады, деп хабарлады әуе компаниясының баспасөз қызметі.
30 наурыздан 26 қазанға дейінгі аралықта компания ұшақтары келесі уақыт жиілігімен ұшады:
- 30 наурыз бен 3 мамыр аралығында – аптасына бір рет, сәрсенбі күндері;
- 3 мамырдан 2 маусымға дейін – аптасына екі рет, сәрсенбі және сенбі күндері;
- 2 маусымнан 25 тамызға дейін – аптасына үш рет, дүйсенбі, сәрсенбі және сенбі күндері.
Айта кетейік, Шарм-эль-Шейх туристер арасында жылы климатымен, құмды жағажайларымен және таңғажайып су асты әлемімен танымал. Қазақстан азаматтары үшін бұл бағытта жеңілдетілген визалық режим қарастырылған. Қазақстандықтар Шарм-эль-Шейхте 13 түнге дейін визасыз саяхаттай алады.
Оқи отырыңыз: "Темірқазық": Наурыз қарсаңында FlyArystan әуе флотына жаңа ұшақ қосылады