Бұл бағдарлама Ұлттық қордың инвестициялық кірісіндегі валюталық бөлігінің 50%-ын 2006 жылы және одан кейін туған балаларға жыл сайын теңдей бөлу арқылы жүзеге асырылады.
Қазақстанда 2025 жылы 18 жасқа толатын жас қазақстандықтар "Ұлттық қор – балаларға" бағдарламасы бойынша тиесілі нысаналы жинақтарын өз бетінше тексере алады. Қазіргі уақытта бағдарлама екінші жыл жүзеге асырылуда, деп жазады inbusiness.kz сайты.
2006-2007 жылдары дүниеге келген және 2024-2025 жылдары 18 жасқа толатын жас азаматтардың нысаналы жинақтары Бірыңғай жинақтаушы зейнетақы қорында (БЖЗҚ) сақталады. Олар бұл қаражатты тұрғын үй жағдайларын жақсартуға немесе білім алу ақысын төлеуге пайдалана алады.
Денсаулық сақтау министрлігі жиі түсетін өтініштерге орай, енді 18 жасқа толған азаматтар өз жинақтары туралы ақпаратты БЖЗҚ-ның немесе электрондық үкіметтің интернет-ресурсындағы жеке кабинет арқылы өздері тексере алады. Бұл әдіс ақпараттың құпиялылығын сақтап, жинақтардың қозғалысы мен қалдығы туралы мәліметтерді тек НЖ алушының өзі немесе оның заңды өкілдері ала алатынын қамтамасыз етеді.
Нысаналы жинақтарды пайдалану тәртібі
Нысаналы жинақтардың төлемі мен оларды тұрғын үй жағдайларын жақсартуға немесе білім алу үшін пайдалану Қазақстан Республикасының заңнамасына сәйкес мынадай қағидалар бойынша жүзеге асырылады:
-
2024 жылғы 18 қаңтардағы ҚР Үкіметінің №16 қаулысына;
-
2024 жылғы 26 ақпандағы ҚР Өнеркәсіп және құрылыс министрінің №76 бұйрығына;
-
2024 жылғы 7 ақпандағы ҚР Ғылым және жоғары білім министрінің №51 бұйрығына.
НЖ пайдаланудың қадамдық алгоритмі:
-
18 жасқа толған азамат БЖЗҚ немесе электрондық үкіметтің интернет-ресурсы арқылы өз нысаналы жинақтарын тексере алады.
-
Егер төлемді алуға шешім қабылданса, нысаналы жинақ алушы немесе оның заңды өкілі уәкілетті оператордың (УО) интернет-ресурсы арқылы АҚШ долларымен банк шоты ашады және төлемге онлайн өтініш береді.
-
УО өтінішті тексеріп, 2 жұмыс күні ішінде БЖЗҚ-ға хабарлама жібереді.
-
БЖЗҚ УО-ға қажетті төлемді аударады немесе бас тарту себебін түсіндіреді.
-
Төлем сомасы банк шотына түскеннен кейін 45 жұмыс күні ішінде НЖ алушы УО-ға төлемнің мақсатты пайдаланылғанын растайтын құжаттарды ұсынуы тиіс.
-
Егер 45 жұмыс күні ішінде құжаттар ұсынылмаса, төлем БЖЗҚ-ға қайтарылады.
Нысаналы жинақтар 10 жыл бойы БЖЗҚ-да сақталады. Егер осы мерзім ішінде азамат өзіне тиесілі қаражатты пайдаланбаса, бұл сома ерікті зейнетақы шотына аударылады және ҚР Ұлттық банкінің ресми бағамы бойынша теңгемен есептеледі.
Қосымша ақпаратты және қажетті нұсқаулықтарды kids.enpf.kz сайтынан немесе БЖЗҚ/ЕНПФ YouTube-арнасынан табуға болады. Сондай-ақ, "Ұлттық қор – балаларға" бағдарламасының іске асырылуы, бала кәмелетке толғанға дейін және одан кейінгі іс-қимыл алгоритмі туралы бейне нұсқаулықты БЖЗҚ/ЕНПФ YouTube-арнасынан көре аласыз: Сілтеме.
Тұрғын үй жағдайларын жақсарту және білім алу үшін нысаналы жинақтарды пайдалану бойынша толық ақпаратты enpf.kz сайтынан алуға болады.