Көркем гимнастикадан әлем чемпионатына қатысатын қазақстандықтар анықталды, деп хабарлайды Egemen.kz.
20-24 тамыз аралығында Бразилияның Рио-де-Жанейро қаласында көркем гимнастикадан әлем чемпионаты өтеді.
Қазақстан құрамасы бұл дүбірлі додада жекелей және топтық жаттығуларда өнер көрсетеді.
Жекелей сында Айбота Ертайқызы мен Айым Мейіржанова бақ сынайды.
Ал топтық жаттығуларда Аида Хәкімжанова, Айзере Кеңес, Жасмин Жүнісбаева, Кристина Чепульская, Айзере Нұрмағамбетова және Мәдина Мырзабай жүлде үшін сынға түседі.